تەقینەوەیەک لە گوڵاڵە پێنج قوربانی لێ دەکەوێتەوە
ناحیەی گوڵاڵەی سەر بە پارێزگای دیالە.
فۆتۆ:
کوردسات نیوز
تەقینەوەیەک لە سنوری ناحیەی گوڵاڵە رویدا و ٥ قوربانی لێکەوتەوە.
شانەی ڕاگەیاندنی ئەمنی عێراق بڵاویکردەوە، سەرلە بەیانی ئەمڕۆ بەھۆی تەقینەوەی بۆمبێکی چێنراو لەسەر رێگەی گوندی (ئوم حونتە) لە باکوری ناحیەی گوڵاڵە لە باکوری خۆرھەڵاتی دیالە، گەنجێکی تەمەن ٢٥ ساڵ کوژرا و ٤ کەسی تریش برینداربون کە ھەمویان ئەندامانی یەک خێزانن.
بەپێی راگەیەنراوەکە، ھێزێکی ئەمنی گەیشتونەتە شوێنی روداوەکە و لێکۆڵینەوەیان دەستپێکردووە.
|