نەورۆز بە دوو گۆڵ لە ئەمانەی بەغدادی بردەوە
کوردسات نیوز
لە درێژەی یارییەکانی ھەفتەی ٣١ی خولی نایابی عێراقی، یانەی نەورۆز لە ناو یاریگای زانکۆ لە شاری سلێمانی میوانداری یانەی ئەمانەی بەغدادی کرد و یارییەکەشی بە ئەنجامی دوو گۆڵی بێ وەڵام لێ بردەوە .
لە گێمی یەکەمی یارییەکەدا یاریزانانی نەورۆز ئاستێکی مامنەوەندیان پێشکەش کرد و ئەو گێمەش بەبێ گۆڵ کۆتایی ھات.
بەڵام لە گێمی دووەمدا یانەی نەورۆز بە تەواوی کۆنترۆڵی یاریگای گرتە دەست و دوای دروستکردنی چەند ھێرشێک لە دەقەی ٦٦ بنیامین ئەکۆر یەکەم گۆڵی تیپەکەی تۆمار کرد.
دواتر و لە دەقەی ٨٠ ئاسۆ رۆستەم گۆڵی دووەمی یانەی نەورۆزی تۆمارکرد، کە ھاوکات گۆڵی ژمارە ١٣ی خۆی بوو لەم وەرزەدا و پێشەنگی گۆڵکارە عێراقییەکانی خولەکەیە.
ئەم سەرکەوتنە یانەی نەورۆزی گەیاندە پلەی نۆیەمی ریزبەندی و لە ٣١ یاریی ئەم وەرزەدا ٣٩ خاڵیان کۆکردووەتەوە.
|