لەسایلۆی ھەولێر چەکی بانکی گەنمی جوتیاران دابەش دەکرێت
کوردسات نیوز
سایلۆی کۆکردنەوەی گەنمی جوتیاران لە ھەولێر چەکی پارەی گەنمی جوتیاران دابەش دەکات.
لەراگەیەندراوێکی سایلۆی گەنمی ھەولێردا ھاتووە، ئەو جوتیارانەی گەنمیان رادەستی ئەو سایلۆیە کردووە رۆژی سێ شەممە ١-٦-٢٠٢١ سەردانیان بکەن بۆ وەرگرتنی چەکی بانکی نرخی گەنمەکانیان.
بەپێی راگەیەندراوەکەی سایلۆی ھەولێر چەکی گەنمەکان بۆ ئەو جوتیارانەیە کە لەمانگەکانی ٥ و ٦ و ٧ ی ٢٠١٦ گەنمیان رادەستی ئەو سایلۆیە کردووە لە ناوچەکانی (کۆیە و گردەڕەشە و ھەولێر و شەمامک و مەخمور).
دابەشکردنی چەکی بانکی گەنمی جوتیاران لە کاتێکدایە زیاتر لە ٥ ساڵ تێپەڕیوە بەسەر فرۆشتنی گەنمی جوتیاراندا و، مانگی رابردوو وەزارەتی بازرگانی عێراق رەزامەندی نیشاندا نیوەی پارەی گەنمی جوتیارانی ھەرێم رەوانەی ھەولێر بکات.
|