ھێزەکانی ئۆپراسیۆنی ئاسایشی پارێزگای سلێمانی لە بەرواری ٢٠٢٢/١/٣٠ لە دوو چالاکی لە شاری سلێمانی و شارۆچکەی پیرەمەگرون دوو ئەندامی ڕێکخراوی تیرۆریستی (داعش)یان دەستگیرکرد.
یەکەم تۆمەتبار ئەندامی ڕێکخراوی تیرۆریستی (داعش)ە و پەیوەندی ھەبووە بە زیندانیانی شاری (حەسەکە) لە ڕۆژئاوای کوردستان و بەردەوام ھاوکاری ماددی تیرۆریستانی کردووە.
تۆمەتبار دووەمیش ئەندامی ڕێکخراوی تیرۆریستی (داعش)ە و ئامۆزای گەورە تیرۆریست "والی عام"ی (داعش)ە لە عێراق، کە بە مەبەستی خۆ حەشاردان و خۆ ڕێکخستنەوە لە دەواجینێکی نزیک شارۆچکەی پیرەمەگرون کاری کردووە.