ھاوپەیمانی عەزم و تەقەدووم داوایان لە حکومەت کرد بیانپارێزن

2022-01-14
فۆتۆ: 
کوردسات نیوز
ھاوپەیمانێتییەکانی عەزم و تەقەدووم ئیدانەی ھێرشکردنە سەر نوسینگەکانیان لە بەغداد دەکەن و دەڵێت ئەو جۆرە کارانە ھەوڵێکە بۆ گۆڕینی ئیرادەی نیشتمانییان.

ھەردوو ھاوپەیمانێتییەکە لە راگەیەنراوێکی ھاوبەشدا ،ئیدانەی ئەو ھێرشانەیان کرد کە بەرەبەیانی ئەمرۆ کرایە سەر نوسینگەکانیان لە بەغداد و داوایان لە حکومەت و ھێزە ئەمنییەکان کردووە ھەڵویستی یەکلاکەرەوەیان ھەبێت لە دژی ئەو گروپانەی کە لەژێر ناوی جیاجیا کاری تیرۆریستی ئەنجام دەدەن.
راشیگەیاندوە، سکاڵای یاسایی لە دژی ھەر کەسێک تۆمار دەکەن کە ھەڕەشە یاخود ھاندانی دژایەتیکردنی ھاوپەیمانێتییەکەیان دەدەن بۆ ئەوەی بە گوێرەی یاسا لێکۆڵینەوەیان لەگەڵدا بکرێت، تەنانەت ئەگەر یاساش نەبێت، دەبێت ھەندێک پرنسیپ و بنەمای مامەڵەکردن ھەبێت رێزی لێبگیرێت لە نێوان ھەمواندا.