کۆمپانیایەک لە ھندستان رۆژێکی بۆ کارمەندەکانی کردە پشوو بۆ بینینی درامایەکی ئیسپانی

2021-09-04
ھندستان زنجیرەی تەلەفزیۆنی ئیسپانی لا کاسا دی پاپێڵ
فۆتۆ: 
کوردسات نیوز
یەکێک لە کۆمپانیاکان لە ھندستان رۆژی ھەینی کردە پشوو بۆ سەرجەم کارمەندەکانی، بۆئەوەی بەشێکی نوێی درامایەکی ئیسپانی ببینن.

بە پێی میدیا جیھانییەکان، کۆمپانیایەک لە هندستان بڕیاریدا رۆژی ھەینی رابردوو بکاتە پشوو بۆ سەرجەم کارمەندەکانی بەمەبەستی بینینی بەشێکی نوێی زنجیرەی تەلەفزیۆنی ئیسپانی " لا کاسا دی پاپێڵ".


بڵاوبوونەوەی ھەواڵەکەش لە میدیا جیھانییەکان، مشتومڕی زۆری لەناو تۆڕە کۆمەڵایەتیەکان دروست کردبوو.


رۆژی ھەینی، بەشی پێنجەمی زنجیرەی تەلەفزیۆنی ئیسپانی " لا کاسا دی پاپێڵ" لە نێت فلێکس بڵاوکرایەوە.


پڕۆسەی وێنەگرتنی بەشەکانی درامای " لا کاسا دی پاپێڵ" لە نزیکەی ٣٠٠ لۆکەیشن، لە ئیسپانیاو تایلاندو دانیمارک و پەنەماو پورتوگال و ئیتاڵیاو بەڕیتانیا، ئەنجامدراوە.