نرخی کارەبای موەلیدە بۆ مانگی ئەیلول دیاریکرا
2024-10-01
|
کوردسات نیوز
لە سلێمانی نرخی ئەمپێرێک کارەبای موەلیدەی ئەهلی بۆ مانگی نۆ لە نێوان ١١ بۆ ١٢ هەزار دینارە.
بەڕێوەبەرایەتیی کارەبای سلێمانی رایگەیاند، ئەمڕۆ سێشەممە لیژنەی دیاریکردنی نرخی موەلیدە ئەھلییەکان کۆبووەوە و بەپێی نرخی سوتەمەنی لە بازاڕەکاندا نرخی ھەر سەعاتێک بۆ یەک ئەمپێر٤٢ دینارە، بەمەش نرخی یەک ئەمپێر کارەبای موەلیدەی ئەھلی گەڕەکەکان لە ناوشاری سلێمانی لەنێوان ١١ بۆ ١٢هەزار دینارە، بەو پێیەی موەلیدەکان لە نێوان ٢٧٠ بۆ ٢٩٥ سەعات کاریان کردووە، بەھۆی جیاوازی کارکردنیان نرخی ئەمپێرێک لە گەڕەکێک بۆ گەڕەکێکی دیکە جیاوازدەبێت.
ئاماژەبەوەکراوە، خشتەی کارپێکردنی موەلیدە بۆ مانگی تشرینی یەکەم ٢٤ کاتژمێری دەبێت واتە ھەرکاتێک کارەبای نیشتیمانی کوژایەوە پێویستە موەلیدەکان کارەبا بدەن بە ھاوڵاتییان.
لیژنەی دیاریکردنی نرخی موەلیدە ئەھلییەکان، جەختیان لەوەکردوەتەوە کە لەکاتی کوژاندنەوەی کارەبای نیشتیمانی نابێت کارپێکردنی موەلیدە و پێدانی کارەبا بەھاوڵاتیان لە پێنج خولەک زیاتر بخایەنێت، بەپێچەوانەوە خاوەن موەلیدەکە سزادەدرێت.
|