فەرماندەی فەیلەقی قودس بەسەردانێکی نھێنی گەیشتە بەغداد
2021-07-27
|
کوردسات نیوز
لەگەڵ بریاری کشانەوەی ھێزە شەرکەرەکانی ئەمریکا لە عێراق، (ئیسماعیل قائانی) فەرماندەی فەیلەقی قودسی ئێران بەسەردانێکی چاوەڕوان نەکراو و نھێنی گەیشتە بەغدادی پایتەخت.
میدیاکانی عێراق بڵاویان کردەوە، (ئیسماعیل قائانی) فەرماندەی فەیلەقی قودسی بەسەردانێکی چاوەڕوان نەکراو گەیشتۆتە بەغداد و بڕیارە لەگەڵ ژمارەیەک لێپرسراوی باڵای حکومی و حزبی و فەرماندەکانی حەشدی شەعبی کۆببێتەوە.
ھەرچەندە تا ئێستا ھیچ سەرچاوەیەکی رەسمی لە عێراق سەردانەکەی و ئەجەندای ھاتنەکەی (قائانی) ئاشکرا نەکردووە، بەڵام پرسەکە گرێدراوە بە بەڕێوەچوونی گفتوگۆی ستراتیجی بەغداد و واشنتۆن لەسەر کشانەوەی ھێزە شەڕکەرەکانی ئەمریکا تا کۆتایی ئەمساڵ لە عێراق.
|