بۆ دیاریکردنی کاندیدێک بۆ شوێنگرەوەی حەلبوسی سوننەکان لە کۆبوونەوەدان

2024-03-02   |  
فۆتۆ: 
کوردسات نیوز
جگە لە حزبی تەقەدوم، تەواوی ھێز و لایەنە سوننەکان لە بەغداد لە کۆبونەوەدان و رایدەگەیەنن، تاکە کاندیدیان بۆ وەرگرتنی پۆستی سەرۆکی ئەنجومەنی نوێنەرانی عێراق سالم عیساوییە.

پەیامنێری کوردسات نیوز لە بەغداد رایگەیاند، ھێزە سوننەکان لە کۆبونەوەدان و جەخت لەوەدەکەنەوە، سالم عیساویان کاندیدکردووە بۆ ئەوەی ببێتە شوێنگرەوەی حەلبوسی.

ئاماژەی بەوەشکردووە، سوننەکان دەیانەوێت درێژە بە کۆبوونەوەی پێشووی ئەنجومەنی نوێنەران بدەن کە لەسەر پۆستی سەرۆکی ئەنجومەنی نوێنەران بەڕێوەچوو. 

دەشڵێت، سوننەکان پێیانوایە ئەگەر کۆبونەوەی پێشووی ئەنجومەنی نوێنەران درێژەی پێنەدرێت ئەوان لە حکومەت دەکشێنەوە. 

وتیشی، دەیانەوێت خولێکی دیکەی دەنگدان بکرێت لە نێوان شەعلان کەریم و سالیم عیساوی بۆ یەکلاکردنەوەی ئەو بابەتە.