وەزارەتی پێشمەرگەی ھەرێم رایگەیاند، ھاوکارییە داراییەکانی ھاوپەیمانان گەیشتوەتە وەزارەتەکەیان و رۆژی یەکشەممەی داھاتوو مووچەی مانگی ئابی لیوا ھاوبەشەکان دابەشدەکرێت.
وەزارەتی پێشمەرگەی حکومەتی ھەرێم لە راگەیەندراوێکدا بڵاویکردەوە، ھاوپەیمانان شایستە داراییەکانی مووچەی مانگی ئابی لیوا ھاوبەشەکانیان خستووەتە سەر ھەژماری وەزارەتی پێشمەرگە و رێکارە دارایی و ژمێرییارییەکانی بۆ ئەنجامدراون و بانکەکان ئاگادارکراونەتەوە.
ئەوەشی خستووەتەڕوو، رۆژی یەکشەممەی داھاتووی رێکەوتی ٢٤ی ئەیلول مووچەی مانگی ئابی لیوا ھاوبەشەکانی وەزارەتی پێشـمەرگە دابەشدەکرێت.