ژمارەیەک لە کارگێڕو مەکتەبی سیاسی و سەرکردایەتی یەکێتی نیشتمانی کوردستان، لەگەڵ ئەنجومەنی مەڵبەندی ھەولێر کۆبوونەوە و گفتوگۆیان لەبارەی ھەنگاوەکانی رێکخستنەوەی ئۆرگانەکانی حزب کرد.
لە کۆبوونەوەکەدا گفتوگۆ لەبارەی دوایین بڕیارەکانی سەرکردایەتی و ئامادەکارییەکانی یەکێتیی و ھەنگاوەکانی رێکخستنەوەی ئۆرگانەکانی حزب، خستنەوەگەڕی ھەوڵ و تواناکان و ھەنگاونان بۆ باشتر کارکردنی ئۆرگانەکانەوە کرا.
ھەڤاڵانی بەشداربوو، دیدو تێڕوانینی خۆیان خستەڕوو، جەختیان لە گرنگی ھەولێر کردەوە ھەمووان ھاوڕا بوون کە دەبێت بایەخی زیاتر بە ھەولێر بدرێت و خزمەتی زیاتری خەڵکی ھەولێر بکرێت.