گەورەترین فڕۆکە ھەڵگری بەریتانی بەشداری لە ئۆپراسیۆنەکانی دژ بە داعش دەکات لە عێراق

2021-06-23
کەشتی فرۆکە ھەڵگرێکی بەریتانی
فۆتۆ: 
کوردسات نیوز
بۆ یەکەمجار لە دوای ٢٠ ساڵ ، کەشتی فرۆکە ھەڵگرێکی بەریتانی کە گەورەترین ھێزی دەریایی و ئاسمانیی بەرێوەدەبات ، بەشداری لە ئۆپراسیۆنە سەربازییەکانی دژ بە داعش دەکات لە عێراق .

فەرماندەیی ناوەندی ھێزەکانی ئەمریکا لە راگەیەندراوێکدا ئاشکرایکردوە ،  ژەنەراڵ  "کینیز ماکێنزی" فەرماندەی فەرماندەیی ناوەندی ھێزەکانی ئەمریکا سەردانی کەشتی "ئێچ ئێم ئێس کوین ئیلیزابێسی" کردوە کە گەورەترین کەشتی فرۆکە ھەڵگرە و لەمەودوا بەشدار دەبێت لەو ئۆپراسیۆنانەی ھاوپەیمانی نێودەوڵەتی دژی شانە نوستوەکانی داعش ئەنجامی دەدات  .

فەرماندەیی ناوەندی ھێزەکانی ئەمریکا پێشوازی لەو ھەنگاوە کردوە و رایگەیاندوە ئەو فرۆکانەی لەو کەشتیەوە پێیان دەگات ،، لە ئۆپراسیۆنەکانی دژ بە داعش بەکاردەھێنرێن و دوپاتیشکراوەتەوە کە تەواوی ئۆپراسیۆنەکان لەسەر داوای حکومەتی عێراق ئەنجام دەدرێن  .