مستەفا کازمی، سەرۆک وەزیرانی عێراق ڕایگەیاند، ئەوەی ھەشت ساڵ لەمەوبەر لە موسڵ و سپایکەر ڕوویدا پەندی لێوەردەگرن بۆ ئەوەی ھەڵەکان دووبارە نەبنەوە.
کازمی لە ساڵیادی داگیرکردنی موسڵ لەلایەن تیرۆریستانی داعشەوە پەیامێکی لە تویتەر بڵاوکردوەتەوە و ئاماژەی بەوەشکردووە، ئەوەی ھەشت ساڵ لەمەوبەر لە موسڵ و سپایکەر روویدا یادی دەکەنەوە و لە بیری ناکەن ، پەند و وانەی لێوەردەگرن بۆ ئەوەی ھەڵەکانی رابردوو دووبارە نەبنەوە.
راشیگەیاندوە، پێویستە بەردەوامبن لە پاراستنی عێراق و برینەکانی تیماربکەن، بۆ داعش سەرشۆڕی و دۆڕان بۆ عێراقییەکانیش شکۆ و سەرکەوتنی ژیان و بەرەنگاربوونەوەی تیرۆر و توندڕەوی مایەوە.