197 ملیار تەن سەهۆڵ لەدوورگەی گرینلاند تواوەتەوە 

197 ملیار تەن سەهۆڵ لەدوورگەی گرینلاند تواوەتەوە 

لەمانگی تەموزی رابردوودا بەهۆی بەرزبوونەوەی پلەكانی گەرماوە، لەدوورگەی گرینلاند سەر بە دانیمارك  197 ملیار تەن سەهۆڵ تواوەتەوە.

پەیمانگاكانی توێژینەوەی جەمسەرەكان لە دانیمارك لە ڕاگەیاندراوێكدا ئاشكرای كردووە، تەنها لە ڕۆژی 31 تەموزدا لەدوورگەی گرینلاند بڕی 10 ملیار تەن سەهۆڵ تواوەتەوە لە كۆی ئەو مانگەشدا بڕی 197 ملیار تەن سەهوۆڵ تواوەتەوە، كە دەگاتە نزیكەی 80 ملیۆن لە مەلەوانگەیەكی ئۆلۆمپیدا.

 روس مۆترام لە پەیمانگای كەشناسی دانیمارك ڕایگەیاند، لە ماوەی چوار مانگدا بە هۆی بەرزبوونەوەی پلەكانی گەرما، سەهۆڵی گرینلاند بە خێراییەكی زۆر لە توانەوەدایە، لەگەڵ ئەوەشدا چەند ڕۆژێكی تریش كەشوهەوای جەمسەرەكان بەو شێوەیەی ئێستا بەردەوام دەبێت.

 بە پێی توێژینەوەكانی زانایانی زانكۆی ئۆهایۆ، توانەوەی سەهۆڵ لە جەمسەری دوورگەی گرینلاند لە ساڵی 2003 بۆ 2013 بە ڕێژەیەكی بەرچاو زیادیكرددوە و توانەوەی سەهۆڵ لە 2013 چوار هێندەی 2003 بووە.