لاهور شێخ جەنگی: ناوچەکە بە دۆخێکی نائاساییدا گوزەر دەکات

لاهور شێخ جەنگی: ناوچەکە بە دۆخێکی نائاساییدا گوزەر دەکات

لە پەیامێکیدا بەبۆنەی هاتنی جەژنی قوربانەوە، لاهور شێخ جەنگی پیرۆزبایی لە کۆمەڵانی خەڵکی کوردستان دەکات و لەبارەی رەوشی ناوچەکەش هۆشداری دەدات.

لە پەیامەکەیدا، لاهور شێخ جەنگی بەبۆنەی هاتنی جەژنی قوربانەوە، پیرۆزبایی ئاڕاستەی کۆمەڵانی خەڵکی کوردستان و کەسوکاری شەهیدان و هێزی پێشمەرگە و هێزەکانی ئاسایشی ناوخۆ و دە تیرۆر دەکات و هیوای ئەوە دەخوازێت کە ئەم جەژنە ببێتە هەنگاوی سەرەتا بۆ یەکڕیزیی نیشتمانی و خزمەتکردنی زیاتری هاووڵاتیان.

لە بەشێکی پەیامەکەیدا، لاهور شێخ جەنگی رایگەیاندووە: ناوچەکە بە دۆخێکی نائاساییدا گوزەر دەکات و پێویستە هەموومان دەست بخەینە ناو دەستی یەکتری و پارێزەری راستەقینەی ئارامی و ئاسایشی هەرێمەکەمان بین و دەست بە مافە دەستووری و نەتەوەییەکانی خۆمانەوە بگرین و نەهێڵین جارێکی تر ئەم هەرێمە رووبەڕووی هیچ ئەگەر و گریمانەیەکی نەخوازراو ببێتەوە.

لاهور شێخ جەنگی جەختی لەوەش کردووەتەوە، کە دەبێت حکومەتی هەرێمی کوردستان بەبێ جیاوازی هەنگاو بنێت بۆ خزمەتکردنی شار و شارۆچکەکانی کوردستان.

دەقی پەیامەکەی لاهور شێخ جەنگی

جەژنتان پیرۆزبێت:

بەبۆنەی هاتنی جەژنی قوربان جوانترین پیرۆزبایی ئاڕاستەی کۆمەڵانی خەڵکی کوردستان و کەسوکاری سەربەرزی شەهیدان و هێزی پێشمەرگەی گیان لەسەردەست و هێزەکانی ئاسایشی ناوخۆ و دژەتیرۆر و تێکۆشەران و ئازادیخوازانی گەلەکەم دەکەم. دەخوازم ئەم جەژنە ببێتە هەنگاوی سەرەتا بۆیەکڕیزی نیشتیمانی و خزمەتکردنی زیاتری هاوڵاتیان بەتایبەتی کە ناوچەکە بەدۆخێکی نائاسایی دا گوزەر دەکات و پێویست دەکات هەموومان دەست بخەینە ناودەستی یەکتری و پارێزەری ڕاستەقینەی ئارامی و ئاسایشی هەرێمەکەمان بین و دەست بەمافە دەستوریی ونەتەوەییەکانی خۆمانەوە بگرین، و نەهێڵین جارێکی تر ئەم هەرێمە ڕوبەڕوی هیچ ئەگەر و گریمانەیەکی نەخوازراو ببێتەوە، هەروەها دەبێت حکومەتی هەرێمی کوردستان زیاتر و باشتر هەنگاو بنێت بۆ خزمەتکردنی شار و شارۆچکەکانی کوردستان بەبێ جیاوازی.

لەم بۆنە پیرۆزەش دا بەڵێن دەدەم بەردەوام درێژەپێدەری ڕێبازی چەپکە گوڵەکەی سەرۆک مام جەلال بین بۆ ئاشتی وئاوەدانی .

لاهور شێخ جەنگی
۱٠ی ئابی ۲٠۱۹