ئەمساڵ دوو ملیۆن و ٤٠٠ هەزار حاجی بەشداری حەجیان كردووە

ئەمساڵ دوو ملیۆن و ٤٠٠ هەزار حاجی بەشداری حەجیان كردووە

لیژنەی باڵای حەجی سعودیە ڕایگەیاند، ژمارەی حاجیانی ئەمساڵ دوو ملیۆن و ٤٠٠ هەزار حاجی تێپەڕاندووە و سەرپێچی حاجیانیش بەرێژەی ٢٩٪ كەمیكردووە.

ئەمیر خالید فەیسەڵ، ئەمیری مەككە و سەرۆكی لیژنەی باڵای حەج ڕایگەیاند: لە حەجی ئەمساڵدا ٥٠٠ هەزار حاجی چارەسەری پزیشكیان وەرگرتوە و ٣٦٣ نەشتەرگەری دڵ كراوە و قەستەرە بۆ حاجیان كراوە.

هەروەها "كاروان ستونی" بەڕێوەبەری ڕاگەیاندن لە وەزارەتی ئەوقاف و كاروباری ئاینی هەرێم بە كوردسات نیوزی ڕاگەیاند: بەجێهێنانی فەریزەی حەج كۆتایی هاتووە، حاجیانی هەرێمی كوردستانیش لە دوو ڕۆژی داهاتوودا تەواوی ئەركەكانیان كۆتایی دێت و دواتر دەست بە گەڕانەوە دەكەن بەرەو هەرێمی كوردستان.

وتیشی، بەپێی ئەو خشتەیەی لەلایەن دەستەی باڵای حەج و عومرەی عێراقەوە دیاریكراوە، ڕۆژی ١٧ی ئەم مانگە لە مەككەوە یەكەم كاروانی حاجیانی هەرێم لە ڕێگەی فڕۆكەخانەی هەولێرەوە دەگەڕێنەوە.