ئابوری

ئێران چالاکییە ئابووریەکانی لە عێراق پەرەپێدەدات


باڵیۆزی ئێران لەعێراق ژمارەی کۆمپانیاکانی وڵاتەکەی لەعێراق ئاشکراکرد و رایگەیاند ،٧٩ کۆمپانیای ئێران لە عێراقدا لە بوارەکانی وێستگەی وزە و پاڵاوتگە و ھۆتێل و یاریگا و خانووبەرەدا کاردەکەن و  بە بەھای ٨ ملیار دۆلار وەبەرھێنانیان کردووە.

ئیرەج مەسجدی باڵیۆزی ئێران لەعێراق رایگەیاندووە حکومەتی عێراق لە ھەوڵدایە لەرێی وەبەرھێنانی بیانییەوە، ھەزار و ٢٠٠ پرۆژە بە بەھای ١٠٠ ملیار دۆلار لەعێراق جێبەجێبکات. دەشڵێت، لەگەڵ عێراق رێککەوتوون پێشانگایەکی ھەمیشەیی لە بەغداد بۆ خستنەرووی بەرھەمە ئێرانیەکان دابمەزرێنن.

دووپاتیشیکردەوە، وڵاتەکەی لەدوای شکستپێھێنانی داعش، لە ھەوڵی زیادکردنی چالاکییە ئابووریەکانیدایە لە عێراقدا.

ئەمەش لەکاتێکدایە، دوێنێ حەسەن رۆحانی رایگەیاند: تاران لە ھەوڵدایە قەبارەی ئاڵوگۆڕیی بازرگانیی لەگەڵ بەغداد بۆ ٢٠ ملیار دۆلاری ساڵانە بەرزبکاتەوە.






 




3 هەفتە پێشتر - Nov 18 2018 3:18PM
Print Friendly and PDF
زیاتر