عێراق

پرۆژە یاسای بودجە ناگەڕێتەوە بۆ حکومەت


سەرۆک وەزیرانی عێراق رایگەیاند: عێراق بەشێک نییە لەو سزایانەی ئەمریکا بەسەر ئێراندا سەپاندویەتی و عێراقیش نابێتە بەشێک لە ھیچ ململانێیەکدا.

عادل عەبدولمەھدی لە کۆنفرانسی ھەفتانەیدا لەشاری بەغداد رایگەیاند: لەچەند رۆژی داھاتوودا ھەڵبژاردنی وەزیرەکان بە رێکارە دەستورییەکان ناودەنرێن و ھەڵدەبژێرێن.

لەبارەی پرۆژە یاسای بودجەشەوە سەرۆک وەزیرانی عێراق  ئاماژەی بەوەشکرد: رێککەوتن کراوە بودجەی گشتی لە ئەنجومەنی نوێنەران بمێنێتەوەو لیژنە حکومییەکان بە ھەماھەنگی لەگەڵ لیژنە پەرلەمانییەکان چاودێری بکەن، ھەروەھا بە ھاوکاری ئەنجومەنی نوێنەران جێبەجێکردنی کارنامەی حکومەت بەردەوامە بۆ یەکلاییکردنەوەی وەزارەتە پڕنەکراوەکان، لەکاتێکدا شەش سەعات پێش دەستپێکردنی دانیشتنی ئەنجومەنی نوێنەرانبۆ متمانەدان بە کابینەی نوێ، ناوی وەزیرەکان رەوانەی ئەنجومەنی نوێنەران کراون.



6 ڕۆژ پێشتر - Nov 6 2018 9:50PM
Print Friendly and PDF
زیاتر