کوردستان

کەشناسی: بەراورد بە ساڵی رابردوو رێژەی باران بارین زیاتر بووە


بەڕێوەبەرایەتیی کەشناسی رایگەیاند: بەراورد بە ساڵی رابردوو رێژەی باران بارین لە سنووری پارێزگای سلێمانی زیادی کردووە.

ئاسۆ کەمال بەڕێوەبەری فەرمانگەی کەشناسی و بوومەلەرزەزانیی سلێمانی لە لێدوانێکی تایبەتدا بە کوردسات نیوزی راگەیاند: بەراورد بە ساڵی رابردوو ئاستی باران بارین زیادی کردووە و لە 24 سەعاتی رابردوودا لە ناوەندی شاری سلێمانی 18,8 ملیم باران باریوە و کۆی گشتیی باران بارینیش هەتا ئێستا 105 پۆینت یەکە، کە ساڵی رابردوو لە دەستپێکی باران بارینەوە هەتا ئەم کاتە 32,3 ملیم باران باریبوو و لە تەواوی ساڵی رابردووشدا کۆی گشتی باران بارین 836,6 ملیم باران باریبوو.

راشیگەیاند: ئەمە دەستپێکێکی دڵخۆشکەرە و بارینی ئەم رێژە بارانە کاریگەریی دەبێت لەسەر کەرتی کشتوکاڵ و ئاودێریی هەرێم.

لەبارەی پێشبینیی کەشوهەوای سبەینێوە، بەڕێوبەری فەرمانگەی کەشناسیی سلێمانی بە کوردسات نیوزی راگەیاند: پێشبینی دەکرێت لەمڕۆوە کاریگەریی شەپۆلی باران بارین کەمببێتەوە و بە تێپەڕبوونی کات لاواز ببێت و بۆ رۆژی داهاتووش، ئاسمان پەڵە هەور ببێت و پلەی گەرماش چەند پلەیەک بەرز ببێتەوە.



هەفتە پێشتر - Nov 6 2018 11:28AM
Print Friendly and PDF
زیاتر