هەمەڕەنگ

عێراق لەرووی رێژەی بەکارهێنەری سناپ چات پێشەنگی وڵاتانە


بەپێی ئامارێك، عێراق لە رێژەی بەکارهێنەری سناپ چاتدا لەسەر ئاستی جیهاندا ریزبەندیی 15هەمین و لەسەر ئاستی وڵاتانی خۆرهەڵاتی ناوەڕاستیشدا ریزبەندیی دووهەمی گرتووە.

بەپێی ئاماری پێگەی ئەلیکترۆنیی ناوەندی راگەیاندنی ژمارەکان، ئەمریکا لەسەر ئاستی جیهاندا لەرووی زۆریی بەکارهێنەری تۆڕی کۆمەڵایەتیی سناپ چاتدا ریزبەندیی یەکەمی گرتووە و لە تەواوی ویلایەتە یەکگرتووەکاندا 109 ملیۆن کەس ئەو تۆڕە کۆمەڵایەتییە بەکاردەهێنن، فەرەنساش بە 20 ملیۆن بەکارهێنەر لە پلەی دووەمدا دێت و بەریتانیاش بە 19 بەکارهێنەر ریزبەندیی سێیەمی گرتووە.

بە لەبەرچاوگرتنی رێژەی دانیشتووان، عێراق ریژەیەکی زۆری بەکارهێنەری تۆڕی کۆمەڵایەتیی سناپ چاتی هەیە، کە بە 4 ملیۆن و 600 هەزار بەکارهێنەر ریزبەندیی 15مینی جیهان و لەدوای عەرەبستانی سعودیەشەوە ریزبەندیی دووهەمی خۆرهەڵاتی ناوەڕاستی گرتووە.


هەفتە پێشتر - Oct 31 2018 11:09PM
Print Friendly and PDF
زیاتر