جیهان

واشنتۆن: لە رووداوی دیارنەمانی خاشقچی نیگەرانین


وەزارەتی دەرەوەی ئەمریکا نیگەرانیی خۆی لە رووداوی دیارنەمانی جەمال خاشقجی، رۆژنامەنووسی ناسراوی سعودیە دەربڕی و  لەوبارەیەشەوە داوای ئەنجامدانی لێکۆڵینەوەیەکی چڕوپڕ دەکات.

هێزەر ناورێت، وتەبێژی وەزارەتی دەرەوەی ئەمریکا لە کۆنفڕانسێکی رۆژنامەوانیدا رایگەیاند: ئێمە نیگەرانین لە دیارنەمانی جەمال خاشقجی، داواکاریشین لە لێپرسراوانی سعودیە لێکۆڵینەوەیەکی روون و ئاشکرا لەوبارەیەوە ئەنجام بدەن.

لە وەڵامی پرسیارێکیشدا لەبارەی بوونی هەماهەنگی و پەیوەندی لەنێوان واشنتۆن و ئەنقەرە لەبارەی دیارنەمانی رۆژنامەنووسە سعودیەکە، وتەبێژەکەی وەزارەتی دەرەوە بێئاگایی خۆی لە بوونی پەیوەندیی نێوان ئەمریکا و تورکیا نیشاندا و رایگەیاند: بە تەواوی نازانم ئاخۆ لەوبارەیەوە هیچ پەیوەندیەک هەبووبێت یان نا.

دوای چەند رۆژێك دیارنەمانی جەمال خاشقجی، رۆژنامەنووسی ناسراوی سعودیە، رۆژی سێشەممە دەزگا ئەمنیەکانی تورکیا رایانگەیاند، جەمال خاشقجی دوای چوونەژوورەوەی بۆ کونسوڵخانەی سعودیە لە ئیستەنبوڵ، لەلایەن تیمێکی تایبەتی سعودیەوە کوژراوە، سعودیەش لەبەرامبەردا ئەو دەنگۆیانە رەتدەکاتەوە.


2 مانگ پێشتر - Oct 9 2018 10:29PM
Print Friendly and PDF
زیاتر