عێراق

روسیا: دوای پێکھێنانی حکومەتی نوێ بەردەوام دەبین لە ھاوکارییەکانمان


وەزارەتی دەرەوەی روسیا ھیواخوازە پەلەبکرێت لە پێکھێنانی حکومەتی نوێی عێراق ، جەختیش دەکاتەوە لەسەر بەردەوامی  ھاوکارییەکانی وڵاتەکەی بۆ عێراق لە رووبەرووبونەوەی تیرۆر و جێبەجێکردنی پرۆژە گرنگەکان.

وەزارەتی دەرەوەی روسیا لە راگەیەنراوێکدا ھیوای خواستوە بەزووترین کات رەزامەندی لەسەر پێکھێنانی حکومەتی نوێی عێراق پیشان بدرێت بە ئامانجی کارکردن لەپێناو تەوافوقی نیشتمانی کە لە بەرژەوەندی ھەموو گەلی ئەو وڵاتەدا بێت.

راشیگەیاندوە، لەدوای پێکھێنانی حکومەتی نوێ بەردەوامدەبن لەسەر ھەوڵەکانیان بۆ پەرەپێدانی پەیوەندییەکانی عێراق و روسیا لە سەرجەم بوارەکاندا، ھەروەھا ھاوکارییش دەبن لە جێبەجێکردنی پرۆژە کۆمەڵایەتی و ئابورییە گرنگەکان لە سەرویانەوە بنبڕکردنی تیرۆر.





هەفتە پێشتر - Oct 5 2018 7:26PM
Print Friendly and PDF
زیاتر