بەھۆی کێشەی نێوان ھەرێم و بەغدادەوە، ماوەی چوار رۆژە ناردنی بەنزینی ٧٥٠ دیناری بۆ ھەرێمی کوردستان راگیراوە و بەڕێوەبەری نەوت و کانزاکانی سلێمانیش دەڵێت، حکومەتی عێراق پابەند نییە بە ناردنی پشکی ھەرێمی کوردستان لە نەوتی سپی و بەنزین.
محەمەد حەسیب، بەڕێوەبەری نەوت و کانزاکانی سلێمانی بە کوردسات نیوزی راگەیاند، بەھۆی کێشەکانی نێوان ھەرێم و بەغدادەوە، ماوەی چوار رۆژە حکومەتی عێراق پشکی ھەرێمی کوردستانی لە بەنزینی ٧٥٠ دیناری نەناردووە.
ئەوەشی خستەڕوو، حکومەتی عێراق تائێستا ئەو نەوتە سپییەی نەناردووە، کە بڕیاربوو لە چەند رۆژی رابردوودا بینێرێت و بە نرخی ٥٠ ھەزار دینار بەسەر ھاووڵاتییاندا دابەشبکرێت.
بەڕێوەبەری نەوت و کانزاکانی سلێمانی وتیشی، حکومەتی عێراق پابەند نییە بە ناردنی پشکی نەوت و بەنزین بۆ ھەرێمی کوردستان و بە پاساوی جیاواز ناوە ناوە پشکی ھەرێم لە سووتەمەنی رادەگرێت.
جەختیلەوەشکردەوە، لەئێستادا لایەنە پەیوەندیدارەکان لەگفتوگۆدان لەگەڵ حکومەتی فیدراڵ بۆ چارەسەرکردنی کێشەکە.