هەمەڕەنگ

بەزترین پلەی گەرما لە 8 شاری عێراق تۆمارکراوە


سەرباری نزمبوونەوەی پلەکانی گەرما بەراورد بە چەند مانگی رابردوو، بەڵام ھێشتا ٨ شاری عێراق بەرزترین پلەی گەرمایان لەسەر ئاستی جیھان تێدا تۆمار کراوە. 

وێستگەی "بلاسیرفیلی" ئەمریکی بڵاویکردەوە، ناوچەی "حسێن" لە پارێزگای بەسرە لە ٢٤ سەعاتی رابردوودا بەرزترین پلەی گەرمای لەسەر ئاستی جیھان تێدا تۆمارکراوە و، پلەی گەرما لەو ناوچەیە گەیشتۆتە ٤٤.٨ پلەی سەدی. 

ھاوکات فڕۆکەخانەی نێودەوڵەتی بەسڕە و شاری "ناسریە" لە پلەکانی پێنجەم و شەشەم ھاتوون و پلەکانی گەرما لەو ناوچانە ٤٤ پلەی سەدی بووە. 

قەزای "بەدرە"ش لە "واست" لە ریزبەندی ھەشتەمدا ھاتووە و پلەی گەرما ٤٣.٦ پلەی سەدی بووە. شارەکانی "عەمارە و فاو و خانەقین"یش لە پلەکانی ١٢ و ١٣ و ١٤ بوون و، پلەی گەرما تێیاندا ٤٣.٥ پلەی سەدی بووە. لە شاری "دیوانیە"ش کە لە پلەی ١٥یەمدا بووە، پلەی گەرما ٤٣.٤ پلەی سەدی بووە. 





2 هەفتە پێشتر - Sep 27 2018 5:45PM
Print Friendly and PDF
زیاتر