ئابوری

سزاکانی ئەمریکا و رووداوەکانی بەسرە نرخی نەوتیان بەرزکردەوە


بەھۆی سزادانی ئێران و دوایین رووداوەکانی بەسڕە، نرخی نەوت بەرزبووەتەوە. 

بەیانیی ئەمڕۆ لە مامەڵەکانی بازاڕی نەوتدا، نرخی یەک بەرمیل نەوتی برینت بە رێژەی ٠.٨٥% بەرزبووەتەوە و گەیشتووەتە  ٧٧ دۆلار و ٤٧ سەنت. 

نرخی نەوتی خاوی ئەمریکیش بە رێژەی ٠.٦٩% بەرزبووەتەوە و گەیشتووەتە ٦٨ دۆلار و ٢٢ سەنت بۆ ھەر بەرمیلێک. 

شارەزایانی بازاڕی نەوتیش دەڵێن: بەھۆی سزاکانی ئەمریکا بۆ سەر ئێران و رەوشی ئەمنیی پارێزگای بەسرە، نرخی نەوت بەرزبووەتەوە. 

ئەو پارێزگایەش بە ناوەندی پیشەسازیی نەوت لە عێراق دادەنرێت و لە ٨٠%ی ھەناردەی نەوتی عێراقی لێ بەرھەمدەھێندرێت. 



2 مانگ پێشتر - Sep 10 2018 12:18PM
Print Friendly and PDF
زیاتر