جیهان

کلچدار ئۆغلۆ: ئەسەد براوەی جەنگە


کەمال کلچدار ئۆغلۆ، سەرۆکی پارتی گەلی کۆماریی تورکیا دەڵێت: بەشار ئەسەد براوەی جەنگە و پێویستە رەجەب تەیب ئەردۆغان سەرۆکی تورکیا بۆ چارەسەرکردنی قەیرانی سوریا دانوستانی لەگەڵدا بکات.

کلچدار ئۆغلۆ لە راگەیەندراوێکدا دەڵێت: بۆ چارەسەرکردنی رەوشی پارێزگای ئیدلب، پێویستە حکومەتەکەی ئەردۆغان لەسەر مێزی گفتوگۆ لەگەڵ حکومەتی دیمەشق کۆببێتەوە. 

وتیشی،: ئەسەد سەرکەوتوو بوو لە جەنگی ناوخۆیی وڵاتەکەی، گفتوگۆکردنیش لەگەڵیدا دەستکەوتی باشی بۆ تورکیا دەبێت و یەکگرتوویی خاکی سوریاش بۆ تورکیا زۆر گرنگە.

ئاماژەی بەوەشکرد، پێویستە تورکیا دەستبەرداری دوژمنایەتیکردنی ئەسەد بێت و روسیا و ئێران و ئەمریکاش ئاگادار بکاتەوە لەو کارەساتەی روبەڕووی وڵاتەکەی دەبێتەوە لە ئەگەری ھێرشکردنە سەر ئیدلب.



2 مانگ پێشتر - Sep 10 2018 11:08AM
Print Friendly and PDF
زیاتر