عێراق

ئەنجومەنی وەزیران چەند بریارێک بۆ بەسڕە دەردەکات


ئەنجومەنی وەزیرانی عێراق چەند بڕیارێک بۆ جێبەجێکردنی داواکارییەکانی خەڵکی بەسڕە دەردەکات.

ئەنجومەنی وەزیرانی عێراق بۆ گفتوگۆکردن لەبارەی رەوشی  پارێزگای بەسڕە بەسەرۆکایەتیی حەیدەر عەبادی کۆبووەوە و بڕیاریدا ھاوکاریی خێزانەکانی بەسڕە بکرێت، بەتایبەت خێزانی قوربانیانی خۆپیشاندانەکان و تیمێکی وزاریش رەوانەی بەسڕە بکرێت بۆ جێبەجێکردنی داواکارییەکانی خۆپیشاندەران، ھەروەھا بریاردراوە بودجەی تایبەت بۆ پارێزگاکە تەرخان بکرێت و دەسەڵاتی خەرجکردنیشی بدرێتە ئەو تیمەی رەوانەی پارێزگاکە دەکرێن.

ئەنجومەنی وەزیران بڕیاریشیداوە، پاڵپشتیی ھێزە ئەمنییەکان بکرێت بۆ بڵاو پاراستنی ھاووڵاتیان و شوێنە گشتی و تایبەتەکان.



2 مانگ پێشتر - Sep 8 2018 3:40PM
Print Friendly and PDF
زیاتر