فەرهەنگی

لە ساڵۆنی رۆژنامەی کوردستانی نوێ، دوو کتێب بڵاوکرانەوە


ئەمڕۆ سێشەممە ٣١-٧-٢٠١٨ دوو کتێبی نوێی نووسەرو رۆژنامەنووس ستران عەبدوڵڵا لە ساڵۆنی رۆژنامەی کوردستانی نوێ بڵاو کرانەوە.

ھەردوو کتێبی "لە سریلانکاوە تا مەیدانی تەحریر" و "٣٣ کرێکارەکەی خەڵاتی نۆبڵ" وەک دوو کتێبی تازەی ستران عەبدوڵڵا لە ساڵۆنی رۆژنامەی کوردستانی نوێ، بە ئامادەبوونی ژمارەیەکی زۆری نووسەر و رۆشنبیران بڵاو کرایەوە. 

لە کتێبی یەکەمدا"لە سریلانکاوە تا مەیدانی تەحریر" نوسەر ھەوڵیداوە باس لە رووداو چیرۆکەکانی بەھاری عەرەبی بکات و کاردانەوەکانی ئەو رووداوانە بخاتەڕوو. 

ھەر وەک لە کتێبی دووەمیشدا  "٣٣ کرێکارەکەی خەڵاتی نۆبڵ" ویستوویەتی کۆمەلێک خەمی رۆژنامەنوسی و فەرھەنگی تیادا جێگە بکاتەوە. 

شایەنی باسە ستران عەبدوڵڵا یەکێکە لە نووسەرو رۆژنامەنووسە دیارەکانی باشووری کوردستان کە تاوەکو ئێستا ٣١ کتێبی چاپکراوی لە بواری رۆژنامەوانی و پرس و کێشەی کورد لە عێراق و تورکیا چاپکردووە. 





مانگ پێشتر - Jul 31 2018 2:37PM
Print Friendly and PDF
زیاتر
123