جیهان

دووشەممەی داھاتوو پوتن و ئەردۆغان لە رووسیا کۆدەبنەوە


رۆژی ٢ شەممەی داھاتوو١٧-٩-٢٠١٨ "رەجەب تەیب ئەردۆغان" سەرۆکی تورکیا و "ڤلادمێر پوتن" سەرۆکی رووسیا، بۆ تاوتوێکردنی رەوشی سوریا کۆدەبنەوە. 

کۆشکی کرملین رایگەیاندووە، ئامادەکارییەکان بۆ ئەو کۆبوونەوەیە دەستی پێکردووە کە لە شاری "سوچی" بەڕێوەدەچێت و رەوشی پارێزگای "ئیدلب" دۆسێی سەرەکی کۆبوونەوەی ئەو دوو سەرۆکە دەبێت. 

مەولود چاوش ئۆغلۆ وەزیری دەرەوەی تورکیاش، جەختی کردۆتەوە لەسەر بەڕێوەچوونی ئەو کۆبوونەوەیەو دەڵێت، ھەوڵی تەواویان داوە لە کۆبوونەوەکانی "ژنێڤ" و "ئەستانە" و ئێستا رەوشەکە پێویستی بە چارەسەرێکی سیاسی ھەیە. 

راشیگەیاندووە: کاریش دەکەن بۆ گەیشتن بە ئاگربەست لە پارێزگای "ئیدلب"و ئامادەیی وڵاتەکەشی پیشانداوە بۆ ھەماھەنگی کردن لەپێناو رووبەڕووبوونەوەی تیرۆردا.



4 ڕۆژ پێشتر - Sep 14 2018 4:41PM
Print Friendly and PDF
زیاتر