وتار
ئەمەریکا کام جەمسەری دەوێ
شادمان مەلا حەسەن
ئەمەریکا و ئەوروپا دروست بوون و ھاتنی رێکخراوی تیرۆرستی داعش دەزانن بۆچیە، ئەزموونی مێژووی فتوحاتی ئیسلامی و دەوڵەتی عوسمانیان لە بەرچاوە و بەردەوام توێژنەوەی لەسەر دەکەن. 
گروپی تیرۆرستی داعش ئەوەی لەسەر خاکی سوریا و عیراق بە غەیری عەرەبی سوننە کردی، بەدڵنیایەوە بگەیشتبایە ئەوروپا زۆر بەخراپتر دەیکرد،چونکە بەر لەوان تیرۆرستان سەربە رێکخراوی قاعیدە چیان بە ئەمەریکا و ئەوروپا کرد.
 لەم نوێنەوادە ھێزی کورد ئەوەی لە ژێر پەردەی ئایدیای دینی نییە،توانی ھێڵێکی بەرگریکردن دابمەزرێنێ، ئەو راستە ھێڵە لە خانەقینەوە تاکو عەفرین،قوربانی یەکجار زۆری لە پێناو درا،بەڵام رێگە نەدرا فتوحاتی داعش زیاتر ھەڵکشێ، ئەمە راستە بە پشتیوانی وڵاتانی زلھێزی ئەمەریکا و ئەوروپا بوو، بەڵام بەشێوەیەکی گشتی لە پێناو ئاسایش و ئارامی ئەواندا بوو.
ئەگەر کورد بەرگری نەکردایە داعش زۆر بە ئاسانی دەگەیشتە کەناراوەکانی ئەوروپا،چونکە تورکیا بەردەبازی ئەم پەڕینەوە بوو،بۆیە ئەوروپا ئەوکات دەکەوتە بەر ھێرش و پەلاماری داعش بە ھاوکاری سەدان شانەی نووستوی ناو جەرگەی ئەوروپا.
 لەلایەکی تر ئێران وەک سەر مەزھەبی شیعە گەرایی ئەویش کاریگەری خۆی ھەبوو لەم نێوانەدا،بەڵام بۆ دونیای سەردەم ھێزی ئایدیای توندڕەوی ئاینی ھیچ جیاوازیەکی ئەوتۆی نییە. بۆیە ئەمەریکا لە ھەموو وڵاتانی تر بە چڕی ھاتە مەیدان، بەتایبەت بۆ کوردی رۆژئاوا زۆر زوو پەیوەندیەکانی پتەو کرد.
 راستەوخۆ کەوتە پڕ چەک کردن و مەشق پێکردنی ھێزەکانی رۆژئاوا، لە دوایین ھەنگاودا کە ژمارەیەکی زۆر چەکی قوڕسی داوەتە شەرڤانان بۆ رزگارکردنی رەقەی پایتەختی داعش ئەوە بەو مانایە دێت، کەوا ئەمەریکا زۆر بە قولی لە مەبەست و ئامانجەکانی ئەو گروپە تیرۆرستیە گەیشتووە. لە ھەمانکاتدا نموونەی ھێزی وەکو کوردەکانی رۆژئاواشی کەم بەدەست کەوتووە. پێشتر ئەزموونی تاڵی لەگەل سوپای ئازادی سوریادا ھەبوو، بۆیە بەو شێوە کاریگەرە لەسەر ھێزەکانی رۆژئاوا کار دەکات.
لە لایەکی تر ئەمەریکا دەبێ شوێن ھەژموونی خۆی بکاتەوە بەشێوەیەک لە ژێر کاریگەری ھیچ وڵاتێکی ناوچەیی نەبێت. لەمەشیاندا کورد باشترین رێگا چارەیە. چونکە لە رێگای ھەر وڵاتێکی تر بێت ،لە بەر بوونی کێشەی کورد ئەو ھەژموونە بە قازانجی تورکیا و ئێران دەشکێتەوە. بۆیە ئەمەریکا باش لە بابەتەکە گەیشتووە،ھەر ئەوەشە وایکردووە راستەوخۆ لەگەڵ ھاوکێشە سیاسیەکان مامەڵە بکات. ئەگەر ئەمەریکا نەیکات ئەوە روسەکان دەیکەن، چونکە لە گرنگی کورد گەیشتن لە ھاوکێشەکانی رۆژھەڵاتی ناوەڕاست لەناو گەرمەی کێشەکان.

ئەم وتارە دەربڕی ڕاوبۆچونی نوسەر خۆیەتی و کوردسات نیوز لێی بەرپرس نیە
5/18/2017 2:36:44 PM
‌‌ بابەتەکانی تری نوسەر ...
شادمان مەلا حەسەن
شادمان مەلا حەسەن
شادمان مەلا حەسەن
شادمان مەلا حەسەن
شادمان مەلا حەسەن
شادمان مەلا حەسەن