وەزارەتی دارایی قەرزی بەڵێندەران دەداتەوە

وەزارەتی دارایی قەرزی بەڵێندەران دەداتەوە

وەزارەتی دارایی بەشێكی تر لە قەرزی بەڵێندەران دەداتەوە، بڕیاریشە لەم هەفتەیەدا كۆبونەوەیەك لەگەڵ بەڵێندەران ئەنجام بدات.

میران كامیل، وتەبێژی لقی سلێمانی یەكێتی بەڵێندەرانی كوردستان بە كوردسات نیوزی راگەیاند، دوای ئەوەی گرفتە داراییەكانی كەرتی گشتی چارەسەر كرا و سیستمی پاشەكەوتی مووچەی فەرمانبەران هەڵگیرا، چاوەڕوان دەكەن لەم هەفتەیەدا وەزارەتی دارایی هەرێم پارەی قەرزی بەڵێندران بداتەوە.
وتیشی، لە ماوەی رابردوودا بە دوو قۆناغ قەرزی بەڵێندەران دراوەتەوە كە قۆناغی یەكەم بڕی 10 ملیار دیناربووە و قۆناغی دووەمیش بڕی 15 ملیار دیناربوە، لە ئێستاشدا چاوەڕوان دەكەن قۆناغێكی تری قەرز وەربگرنەوە.
ئەوەش لە كاتێكدایە وەزیری دارایی هەرێم رایگەیاندوە، بڕێك پارەی تریان بۆ دانەوەی قەرزی بەڵێندەران تەرخان كراوە.