هواوی سمارت فۆنی ٥ جی شاشە چەماوەی دیزاین كردووە

هواوی سمارت فۆنی ٥ جی شاشە چەماوەی دیزاین كردووە

مانگی داهاتوو كۆنگرەیەكی گەورە لە شاری بەرشەلۆنەی ئیسپانیا بەرێوەدەچێت كە تایبەت دەبێت بە مۆبایل، ماوەیەكی زۆرە كۆمپانیا گەورەكانی بواری دروست كردنی سمارت فۆن خۆیان بۆ ئەو كۆنگرەیە ئامادە كردووە.

دوای ئەوەی ئێل جی (LG) ئەو مۆبایلەی ئاشكراكرد كە بەشداری لە كۆنگرەكەدا دەكات، هواوی چینیش ڕایگەیاند سمارت فۆنێكی نوێ لەو كۆنگرەیدا نمایش دەكات كە شاشەكەی توانای چەمانەوەی هەیە .

"ریتچارد یو" بەڕێوەبەری جێبەجێكاری كۆمپانیای هواوی چینی لە كۆنگرەیەكی ڕۆژنامەوانیدا لە شاری بەیجینی چین یەكەم سمارت فۆنی كۆمپانیاكەی ئاشكرا كرد كە ٥ جییە (5G) و شاشەكەی توای چەمانەوەی هەیە.

بەڕێوەبەری جێبەجێكاری هواوی زانیاری زیاتری لەبارەی سمارت فۆنەكەوە ئاشكرا نەكردووە و بڕیاریشە بۆ یەكەم جار ئەو مۆبایلە مانگی داهاتوو لە كۆنگرەیەكی تایبەتدا لە بەرشەلۆنە نمایش بكرێت .