سەرۆک وەزیرانی عێراق سەردانی تورکیا دەکات

سەرۆک وەزیرانی عێراق سەردانی تورکیا دەکات

سبەینێ عادل عەبدولمەھدی سەرۆک وەزیرانی عێراق سەردانی تورکیا دەکات و پرسی ئاو و وزە لەگەڵ لێپرسراوانی باڵای ئەو وڵاتە تاوتوێ دەکات.

فەیسەڵ ئەرۆغڵو نوێنەری تایبەتی سەرۆکایەتی تورکیا بۆ عێراق رایگەیاند، ١٥ی ئەم مانگە عەبدولمەھدی دەچێتە ئەنقەرە و لەگەڵ رەجەب تەیب ئەردۆغان سەرۆکی تورکیا کۆدەبێتەوە.

وتیشی عێراق دراوسێی تورکیایە و چەندین پرسی گرنگ بە یەکیانەوە دەبەستێتەوە، و لە کۆبوونەوەکەیاندا پەیوەندییەکانی "بەغداد و ئەنقەرە" و پرسەکانی ئاو و بەنداوەکان و وزە، تاوتوێ دەکەن. 

ھەینی رابردووش پەرلەمانی تورکیا میوانداری کۆبوونەوەیەکی کرد بە سەرۆکایەتی "فەیسەڵ ئەرۆغڵو" و پێشنیاری چەند پڕۆژە و چارەسەرێک کرا بۆ کۆتایھێنان بە قەیرانی ئاو لە عێراق.