جەیمس جێفری: وادە بۆ کشانەوەی هێزەکانی ئەمریکا لە سوریا دانەنراوە

جەیمس جێفری: وادە بۆ کشانەوەی هێزەکانی ئەمریکا لە سوریا دانەنراوە

جەیمس جێفری، نێردەی ئەمریکا بۆ کاروباری سوریا دووپاتیکردەوە هیچ وادەیەک بۆ کشانەوەی هێزەکانیان لە خاکی سوریا دیارینەکراوە، راشیگەیاندووە: 15 بۆ 20 هەزار لایەنگری داعش لە عێراق و سوریادا هەن کە زۆرینەیان شانەی نووستوون.

نێردەی ئەمریکا بۆ کاروباری سوریا رایگەیاند: هاوپەیمانیی نێودەوڵەتیی دژی داعش لە هەوڵی کۆتایی پێهێنانی ئۆپراسیۆنەکانە لە دەورووبەری رووباری فورات. وتیشی: ئەوەی ماوەتەوە تەنیا چەند هەزار چەکدارێکی داعشە لەگەڵ کەمتر لە کیلۆمەترێك کە هێشتا داعش دەستیبەسەرداگرتووە. ئاماژەی بەوەشکرد، رووبەڕووبوونەوەی تیرۆریستانی داعش بەردەوامە و هیچ وادەیەکیش بۆ کشانەوەی هێزەکانی ئەمریکا لە سوریا دانەنراوە. 

هەروەها داواشی لەو وڵاتانە کرد ئەو داعشانە وەربگرنەوە کە هاووڵاتی وڵاتەکانیان و لە ئێستادا لەلای هێزەکانی سوریای دیموکرات دەستبەسەرن.